Pёrpjekjet e studiuesve por dhe aktivistёve mjedisore pёr shpalljen e Vjosёs Park Kombёtar, kanё qenё tё vazhduara.
Së fundmi, një grup prej 30 studiuesish nga Austria, Gjermania, Shqipëria dhe Italia, po kryejnё njё studim mbi biodiversitetin, në dy degët kryesore të Vjosës.
Ndërkohë, një studim i IUCN-sё liston tetë lloje habitatesh nga Vjosa, qё kanё rëndësi të lartë ruajtjeje edhe pёr BE-nё.
Studimi liston, 1,175 lloje tё ndryshme gjallesash nga gjithё grupet taksonomike, nga tё cilat llojet e rrezikuara nё nivel global pёrfshijnё 13 lloje kafshësh dhe 2 bimë vaskulare. Gjithashtu, sudimi identifikon edhe 148 lloje gjallesash, qё janё pjesё e listёs sё Konventës së Bernës, si dhe 41 lloje shpendësh,78 lloje kafshësh dhe bimësh qё pёrfshin Lista e Zogjve e BE-së dhe Direktiva e Habitateve. Vec tё tjerash, tё paktёn 50 lloje kafshësh dhe 24 bimë vaskulare janё pjesё e Listёs sё Kuqe të Shqipërisë.
Pavarësisht, karakteristikave tё veçanta tё lumit, ai përsëri rrezikohet nga shumё faktorë.
Ndryshimet klimatike, pёrbёjnё njё faktor me ndikim negativ nё biodiversitetin e tij dhe jo vetёm, kryesisht pёrmes thatёsirave, qё vijnё si pasojё e sasisё sё pakёt tё reshjeve.
Planet pёr ndёrtimin e hidrocentraleve pёrbёjnё njё tjetёr kёrcёnim pёr lumin e Vjosёs. Referuar njё raporti tё vitit tё fundit, ndёrtimi i kёtyre objekteve hidro-energjitike ёshtё gjithashtu problematik pёr shkak tё ndikimit qё krijojnё pasojat, pёrmёndur mё lart tё ndryshimeve klimatike. Kushtet e reja klimatike do të sillnin probleme pёrsa i pёrket mirёmbajtjes dhe funksionimit tё hidrocentraleve qё do tё ndёrtoheshin mbi Vjosё.
Ndёrtimi i HEC-ve nё kёtё zonё jo vetёm qё nuk konsiderohet njё investim i gjelbёr, por as i mençur nё terma afatgjatё. Veç degradimit tё mjedisit si pasojё e kёtij aktiviteti, komunitetet gjithashtu do tё pёrballeshin me probleme tё shumta me ndikim negativ pёrsa i pёrket zhvillimit nё tё ardhmen tё turizmit dhe ekonomisё sё qёndrueshme. Shtimi i studimeve nё funksion tё kёtij qёllimi do tё ndihmonte nё ndёrgjegjёsimin e publikut pёr ruajtjen e kёtij thesari kombёtar. Njёkohёsisht do tu shërbente edhe institucioneve tё larta tё qeverisjes, pёr tё kuptuar dobinё dhe rёndёsinё e shpalljes sё Vjosёs, Park Kombёtar.
Autore: Dr. Ani Bajrami
