Ujërat e rrjedhshëm kanë një rol unik në mbështetjen e biodiversitetit global, cikleve bio-gjeokimike dhe jetёs njerëzore. Megjithёse rëndësia e tyre është e mirёpranuar, vlera dhe fati i lumenjve/përrenjve qё preken nga pasojat e tharjes sё shpeshtё tё tyre, priret të neglizhohet. Tharja e lumenjve kontribuon në degradimin e burimit kryesor të ujit, pёr rrjedhojë në jetesën e miliona njerëzve.
Kjo problematikё, tё cilёn e ndeshim nё çdo skaj tё globit, veçanërisht kёto vitet e fundit ku efekti i ndryshimeve klimatike sa vjen e bёhet mё i dukshёm, ёshtё objekti i analizёs sё njё studimi të botuar në revistën shkencore “Science”.
Një grup studiuesish nga Universiteti McGill në Kanada, analizuan të dhënat e përftuara prej stacioneve të vendosura në 5600 lumenj. Në këto stacione, u mat sasia e prurjeve tё ujit tё rrjedhёt dhe më pas, u llogarit probabiliteti i ndalimit të rrjedhjes. Për llogaritjet, u pёrdorёn të dhëna klimatike, gjeologjike dhe të faktorëve të tjerë mjedisorë.
Përfundimet treguan se, më shumë se gjysma e lumenjve në Botë reshtin sё rrjedhuri, të paktën një herë në vit. Konkretisht, janë 60% e lumenjve të botës, qё shterojnë për të paktën 1 ditë në vit dhe arsyet kryesore të këtij fenomeni, lidhen me ndryshimet klimatike.
Në të ardhmen, me rritjen në vazhdim të këtyre pasojave, lumenjtë do të vijojnë të shterojnë duke rrezikuar jetesën e miliona njerëzve që e përdorin lumin për ujitje dhe nevoja të tjera jetësore. Pёr rrjedhojë ndryshimi i sistemit lumor do të ndikojë edhe në biodiversitetin e vendeve ku ndodhen lumenjtë.
Studimi i shërben planifikimit dhe marrjes së masave për menaxhimin e burimeve ujore, nё përballimin e krizës sё pritshme të tyre.
Për shkak të situatës jo të favorshme në të cilën ndodhen lumenjtë vendas dhe ata botërorë, lind nevoja për hartimin e planeve dhe vendimmarrjeve në dobi të tyre si dhe për komunitetet që jetojnë aty pranë.
