Mbjellja e pemëve është një nga mënyrat që shumë vende kanë zgjedhur, për të zbutur ndikimMbjellja e pemëve është një nga mënyrat që shumë vende kanë zgjedhur të përdorin, për të zbutur ndikimin e ndryshimeve klimatike.
Në gjithë territorin e Shqipërisë, në 4 vitet e fundit, janë mbjellë rreth 20 milionë e 200 pemë. Ndërkohë në, Mbretërinë e Bashkuar synohet që deri në 2025, të mbillen rreth 30 milionë pemë të reja çdo vit.
Mbjellja e pemëve, për pasojë edhe, shndërrimi i tokave bujqësore në pyje, do të sillte efekte pozitive në vend.
Në shërbim të këtij qëllimi është realizuar një studim, i cili ka vlerësuar dhe evidentuar disa nga efektet që shoqërojnë kthimin e tokës bujqësore në tokë pyjore.
Për realizimin e studimit janë përdorur modele statistikore, të ndërthurura me vëzhgime, lidhur me ndikimin që si ndryshimet në mbulesën pyjore kanë mbi reshjet anembanë kontinentit.
Rezultatet treguan se lokalisht, ka një rritje të reshjeve pas pyllëzimit, në veçanti në dimër. Por përveç kësaj, pyjet parashikohet të rrisin sasinë e reshjeve të shiut në një pjesë të madhe rajonesh, edhe gjatë verës. Nga ana tjetër, megjithëse efekti i erës në zonat bregdetare gjatë periudhës së dimrit është pozitiv, në Evropën Kontinentale dhe Veriore ky efekt pritet të jetë më pranë atij neutral, apo negativ.
Efektet e kombinuara, me ndikime lokale dhe jo-lokale, si pasojë e skenarit realist të ripyllëzimit, vlerësohet të rrisin mesatarisht reshjet e verës me 7.6 ± 6.7% në Europë (0.13 ± 0.11 mm).
Autorët shprehen se, se kjo është një gjetje me rëndësi, pasi ka ndikim të konsiderueshëm edhe lidhur me ndryshimet klimatike.
Ata thonë se, “Kërcënimi më i madh i ndryshimit të klimës që pritet të ndodhë në pjesët jugore të Evropës si p.sh në rajonin e Mesdheut, është zvogëlimi i sasisë së reshjeve gjatë periudhës së verës. Sipas studimit në fjalë, praktika e mbjelljes së pemëve, do të çonte në një rritje të këtyre reshjeve edhe në këtë rajon të rrezikuar. Kjo shpjegohet me faktin se, pyjet e rinj priren të avullojnë më shumë lagështi në atmosferë, se toka bujqësore, duke ndikuar në rritjen e reshjeve.
Ata gjithashtu theksojnë, se ideja e zbutjes së pasojave të klimës përmes praktikës së mbjelljes së pemëve, nuk është aq e thjeshtë, sa thuhet. Një nga faktet e rëndësishme që përmendin shkencëtarët është se kjo praktikë nuk ofron zgjidhje të shpejta ndaj ndryshimeve klimatike.
Duke shtuar pemë të reja ose duke restauruar pyjet e humbura, nuk mund të kompensohen kurrë, shkarkimet e gazeve serë që vijnë nga djegia e karburanteve. Ndaj, hapi i parë që cdo vend duhet të ndërmarrë është të ndalojë shkarkimin e gazeve serë.
Nëse duam që rritjen e temperaturës ta mbajmë nën 1.5ºC, zgjidhja e duhur do të ishte largimi i CO2 nga atmosfera.
Në këtë këndvështrim, mbjellja e pemëve është një mundësi e mirë për zvogëlimin e shkarkimeve. Por nga ana tjetër, mbjellja e tyre nuk duhet të jetë kurrë një justifikim për të mos vepruar me të gjitha mjetet për zvogëlimin e shkarkimeve të karbonit/BBC News.
